Ние сме компанија од хемиската индустрија основана во 2016 година, со првична дејност промет со хемикалии за третман на вода. Во мај 2020 година станавме корисници на правата од индустриска сопственост на култните македонски брендови за детергенти и средства за домаќинство - производите на поранешен Охис Скопје.

Сјај, Билјана, Гонг и Лира, се само дел од детергентите кои поради својот квалитет и доверба која ја имале кај потрошувачите, и покрај долгото отсуство, се уште се ненадминлив синоним за средства и детергенти за домаќинство.

Особено сме горди што ја имаме честа да им дадеме нов живот на некогашните врвни македонски производи. Но во исто време сме и свесни за одговорноста која ја превземавме и високите цели кои си ги поставивме.

Со прекрасен тим и многу љубов, на основа на старите рецептури, создадовме современи домашни производи, кои имаат најдобар сооднос на цена и квалитет.

Нема да ги изневериме Вашите очекувања!

И ова е мисија на Рис Хем. На домашниот, но и регионалниот пазар да понудиме детергенти, кои не само што ќе ја оправдаат довербата која што ја уживаат кај ценетите потрошувачи, туку да испорачаме и многу повеќе од очекуваното.

Нашата цел е овие детергенти според својот квалитет да бидат рамо до рамо со светски познатите брендови од својата област. Но, истовремено да останат со цени достапни за купувачите од македонскиот пазар. Си дадовме задача да произведуваме детергенти кои што секое семејство со задоволство и гордост ќе им ја дава довербата за грижата за чист дом.